Ministrat mungojnë në komision – Lleshaj dhe Shahini nuk raportojnë ndaj problematikave në arsim
Dy ministrat ai i brendshëm, Sandër Lleshaj dhe ajo e Arsimit Besa Shahini nuk i janë përgjigjur thirrjes së deputetëve të komisionin parlamentar të edukimit dhe mjeteve të informimit publik për të raportuar lidhur me praninë e policisë në ambientet universitare ditën e enjte. Kryetarja e komisionit Albana Vokshi e ka quajtur shkelje të kushtetutës teksa i ka bërë thirrje kryeministrit dhe kreut të kuvendit të marrin masa për këtë shpërfillje sipas saj që i bëhet vazhdimisht komnisionit.
Por i menjëhershëm ka qenë dhe reagimi i nënkryetares Milva Ekonomi e cila sqaroi se për të thirrur ministrat duhet të respektohet procedura sipas ligjit ku përcaktohet një afat kohor prej 3 javësh gjë e cila në këtë rast nuk ka ndodhur.
Kjo nuk është hera e parë që ministrat nuk marrin pjesë në seancat dëgjimore të komisionit të medias ndërkohë që kryetarja e këtij komisioni paralajmëron se kërkesa për praninë e tyre do të vijoj edhe në ditët në vazhdim për të hedhur dritë mbi situatën e rëndë të krijuar në universitetet shtetërore.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.