Ministrat suedezë në Tiranë, në fokus krimi, Rama-Linde: “Bashkëpunim në luftën kundër krimit të organizuar shqiptar”
Ministrja e jashtme suedeze, Ann Linde, ka zhvilluar një vizitë në Tiranë. Ndalesa e parë ishte ishe në kryeministri, ku zonja Linde dhe kryeministri Edi Rama mbajtën edhe një konferencë për mediat. Ministrja Linde vlerësoj ecurinë e reformës në drejtësi në vendin tonë, ndërsa kryeministri Edi Rama tha se mes 2 vendeve ka bashëkpunim të ngushtë, duke u ndalur te lufta ndaj krimit të organizuar. Kryeministri tha se Shqipëria ka dërguar oficerë policie në Suedi, për të ndihmuar autoritetet vendase në luftën ndaj krimit të organizuar shqiptar.
“Vlerësojmë punën serioze që është bërë nga ana e Shqipërisë. Një arsye se përse jam këtu është sesi të diskutojmë për të luftuar krimin. Në Suedi kemi probleme me krimin e organizuar dhe do të përpiqemi që ti zgjidhim. Bandat kriminale janë në bashkëpunim në territorin evropian. Nëse e luftojmë këtë së bashku do të bëjmë ndryshim” – është swhprehur znj. Linde
“Suedia i ka qëndruar Shqipërisë pranë si një mike e vërtetë, projektet e bashkëpunimit kanë sjellë gjithnjë cilësi dhe kanë vlejtur për të hedhur hapa më tej ashtu si kundër ne jemi shumë të lumtur që shumë shpejt do të kemi në Shqipëri çeljen zyrtare të një investimi shumë të veçantë suedez në turizëm dhe shpresoj që kjo të vlerë në një Shqipëri turistike, kemi diskutuar dhe për një hap të ri në bashkëpunimin në fushën e sigurisë dhe luftës kundër krimit të organizuar gjë që po e bëjmë me sukses me disa vende, ku kemi kaluar me ndërveprim në terren të policisë shqiptare në shtetet përkatëse dhe ata te ne për të ndërvepruar më mirë në këtë luftë”, u shpreh Rama.
Në lidhje me ligjin e medias për të cilin pritet të fillojë së shpejti diskutimet, kryeministri theksoj se do të miratohet duke u bazuar në rekomandimet e Komisionit të Venezias.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.