Ministri Ahmetaj njofton për Rindërtimin: “Gara e tenderimit në Tiranë do shtyhet me 10 ditë”

Kryeministri Edi Rama në një mbledhje të zhvilluar në internet me ministrat e kabinetit qeveritar është ndalur edhe tek procesi i Rindërtimit, i cili po menaxhohet nga ministri Arben Ahmetaj.

Ndër të tjera, ministri Ahmetaj shpjegoi për shefin e qeverisë se procedura e Rindërtimit, për Bashkinë Tiranë ka hasur në një pengesë proceduriale, duke e shtyrë kështu afatin e tenderimit. Ai tha se Fondi Shqiptar i Zhvillimit do të rihapë sërish tenderin, ndërsa kryeministri kërkoi tolerancë zero për cilësinë:

“Bashkia e Tiranës, po shikon dhe nesër procedurën e mbyllur pardje, të gjithë dokumentet e kompanive, rezulton se nuk janë të bindur se kompanitë plotësojnë dokumentet. Mund të duhet ta rihapin edhe njëherë procesin për 10 ditë. Pra nga e premtja, për 10 ditë për të pritur kompani më gjerë. Kjo vijon normalisht.” – u shpreh ministri

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.