Ministri gjerman- Britanisë: “Na tregoni se çfarë doni”
Britania duhet t’i tregojë Bashkimit Europian atë që dëshiron nga marrëveshja për daljen e saj nga blloku, tha ministri i Gjermanisë ditën e sotme pasi parlamenti i Londrës hodhi poshtë për herë të dytë një marrëveshje të negociuar për tërheqjen.
“Ne jemi në kufijtë e asaj që mund të jetë e tolerueshme” – tha Michael Roth.
“Ne kemi ndryshuar tashmë marrëveshjen e daljes për t’iu përshtatur Britanisë. Ne jemi të hapur dhe të përgatitur për të folur, por nuk kemi ndonjë pikëpamje të qartë nga Britania për atë që ata duan, vetëm atë që ata nuk duan” – shtoi ai.
Gjithashtu ai tha se një shtyrje e ditës së daljes më 29 Mars ishte e mundur, por nëse zgjat përtej fillimit të qershorit, atëherë Britania do të duhej të merrte pjesë në zgjedhjet e planifikuara të Parlamentit Europian.
Burimi: Reuters
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.