Ministri gjerman i shëndetësisë: “S’ka mjaftueshëm vaksina për të parandaluar valën e tretë”

Ministri i shëndetësisë i Gjermanisë ka paralajmëruar se Evropa nuk ka mjaftueshëm vaksina për të parandaluar një valë të tretë të koronavirusit.

Komentet e Jens Spahn të Premten erdhën ditën që vendi rifilloi vaksinimet me vaksinën AstraZeneca, pas katër ditësh ndërprerje.

“Një analizë e sinqertë e situatës tregon se nuk ka ende mjaft vaksina në Evropë për të ndaluar valën e tretë,” pranoi ministri.

“Edhe pse dorëzimet e porosive të BE janë tani të besueshme, do të kalojnë disa javë para se grupet në rrezik të vaksinohen plotësisht,” shtoi ai. “Vetëm atëherë mund të flasim për hapjen e shoqërisë.”

Fundjavën e kaluar AstraZeneca njoftoi shkurtime të mëtejshme të dërgesave të vaksinës COVID-19 në Bashkimin Evropian, duke përmendur kufizimet e eksportit për lëvizjen.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.