Ministria e Arsimit bën bilancin e dëmeve në shkolla dhe njofton rifillimin e mësimit
Shkollat e Tiranës, Durrësit dhe Elbasanit do të hapen të marten për të rifilluar procesin normal të mësimdhënies. Lajmi u bë e ditur nga ministrja e Arsimit Besa Shahini që konfirmoi se nuk ka pasur dëmtime në godina shkollore, me përjashtim të dy shkollave nëzonat periferike të Tiranës dhe Vorës.
“Ditën e nesërme (marte) fillon mësimi siç është parashikuar. Bëj me dijë se dita e sotme (hëne) për nxënësit e zonave të prekura do të zëvëndëoshet në një ditë tjetër në të ardhmen por për oraret e sakta të zëvëndësimit do të diskutohet në zyrat vendore arsimore dhe do të akordohet një orar i përshtatshëm në secilën shkollë.
Nga verifikimet në terren, kemi konstatuar se në të gjithë vendin, shkollat janë kryesisht të padëmtuara dhe të gatshme për të rifilluar nesër mësimin.
Vetëm dy objekte shkollore në Bërxullë të Vorës dhe Allgjatë të Tiranës që ditën e nesërme nuk do të hapen për efekt sigurie. Duke qenë se kanë pak nxënës ato do të transferohen në shkollat e qendrës.
98 shkolla të tjera që kanë pasur plasaritje të vogla janë rregulluar në të gjitha që ditën e djeshme nga bashkitë dhe nesër hapin dyert për mësim” tha ministrja Shahini.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.