Ministria e Brendshme hap thirrjen për OJF-të: “Kërkohen zgjidhje origjinale për pasuritë e konfiskuara nga krimi”
Ministri i Brendshëm, Sandër Lleshaj ka bërë një vizitë në një kafe-librari në Durrës, që sipas tij është një shembull i përkryer në rrugën se si duhet luftuar krimi.
Kjo për shkak se, qendra sociale e rikonceptuar nga e para pas është konfiskuar nga njerëz me aktivitete kriminale dhe nga një disko e zhurmshme është kthyer në një hapësirë për të rinjtë e Durrësit.
Ministria e Brendshme ka hapur edhe një thirrje për të gjitha OJF-të e interesuara në projekte, që merren me dhënien e ndihmës ndaj viktimave të krimit të organizuar e trafikimit, që mbrojnë të drejtat e familjarëve të punonjësve të Policisë të rënë në detyrë, apo asistojnë në rehabilitimin e viktimave të trafikut të qenieve njerëzore.
Ministri Lleshaj thotë se me shtimin edhe të strukturave të reja të Policisë si OFL, pasuritë kriminale po goditen gjithnjë e më shumë, në këtë mënyrë duke dhënë një mesazh të qartë se askush nuk do t’i gëzojë.
“Agjencia përgjegjëse për administrimin e tyre është tashmë përpara sfidës për zgjidhje origjinale, me qëllim që përmes menaxhimit të përshtatshëm të jepen mesazhet e duhura ndaj krimit. Rruga kriminale është pa krye, pasuritë që rezultojnë prej saj nuk kanë të ardhme.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.