Ministria e Energjisë shtyn afatin, u jep kohë bizneseve që kanë detyrimin të shkëputen nga operatori publik për furnizimin me energji
Qeveria ka vendosur të pranojë propozimin për shtyrjen e afatit për bizneset e lidhura në rrjetin 35 kilovat, të cilat sipas detyrimit ligjor duhet të gjejnë mundësi alternativë të furnizimit duke u shkëputur nga operatori publik. Afati i ri do të jetë data 30 qershor e këtij viti.
Përfaqësuesit e Ministrisë së Energjisë dhe Industrisë ashtu sikurse edhe Operatorit të Shpërndarjes së Energjisë Elektrike zhvilluan një takim informues dhe konsultues me 73 subjekte që kanë detyrimin për të dalë në tregun e lirë të energjisë. Në këtë takim, shtyrja e afatit ishte një propozim që iu bë nga bizneset, ministrisë së Energjisë.
Ligji përcakton gjithashtu afatin dy mujor në të cilin këtyre subjekteve u garantohet furnizimi nga OSHEE në cilësinë e furnizuesit të mundësisë së fundit.
Aktualisht ka përfunduar procesi i instalimit të matësave në këto subjekte dhe po vazhdon miratimi i kuadrit ligjor e rregullator të nevojshëm që këto biznese të mund të furnizohen në tregun e lirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.