Ministria e Financave në Itali: Kërkesë për të punësuar këshilltarë “pa pagesë”
Në një njoftim të publikuar Ministria e Financave në Itali kërkon të punësojë për dy vite këshilltarë me karrierë akademike dhe përgatitje profesionale të mirë. Ka vetëm një kusht – pa pagesë. Lajmërimi për këtë kërkesë është nxjerrë më 27 shkurt dhe mbaron më 14 mars.
Qëllimi i Ministrisë është të identifikojë persona me kompetenca në fushën e drejtësisë, bankave dhe tregjeve financiare. Konsulenca do të merret me përpunimin e çështjeve komplekse që kanë të bëjnë me ligjin, me çështjet kombëtare dhe ato europiane.
Të interesuarit për të filluar punë në departamentin e Thesarit duhet të pranojnë që në fillim që këto shërbime do të kryhen pa pagesë, pavarësisht cilësisë apo sasisë së punës.
Burimi: Corriere della sera
J.V/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.