Ministria e Infrastrukturës bën njoftim për ndërprerjen e energjisë elektrike në Tiranë: “Avari në linjën Farkë-Ibë”
Ministria e Infrastrukturës ka dhënë informacion mbi avaritë që kanë ndodhur mesditën e sotme dhe ndërprerjet e vazhdueshme të energjisë elektrike.
Sipas njoftimit zyrtar, avaria ndodhi në linjën 110 kv Farkë-Ibë, në orën 13:00. Menjëherë OST u mobilizua dhe rreth orës 14:00 morën energji fiderat e Nënstacioneve Traktura dhe pjesa e fiderave të Farkës.
Sipas Ministrisë, aktualisht situata është e stabilizuar.
NJOFTIMI NGA MIE
Për shkak të një avarie në linjën 110kV Farkë – Ibë, rreth orës 13:00 kanë mbetur pa ⚡energji elektrike disa zona në Tiranë.
Grupet e avarisë së OST u mobilizuan menjeherë në terren dhe punuan për rikthimin e energjisë tek të gjithë abonentët.
Ndërkohë, në bashkëveprim me OSSH, u morën masat për normalizimin e furnizimit me energji elektrike për konsumatorët.
Rreth orës 14:00 kanë marrë energji të gjitha fiderat e Nënstacioneve Traktora dhe pjesa e fiderave të Farkës.
Aktualisht situata është e stabilizuar falë manovrimeve me skemat unazë, etj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.