Ministria e Jashtme jep lajmin-Lëshimi e Certifikatave të Lindjes ose Familjare për shqiptarët zgjerohet edhe në 12 shtete të tjera (Lista)
Ministria e Punëve të Jashtme njofton se shërbimi i lëshimit të Certifikatave të Lindjes ose Familjare për shtetasit shqiptarë është zgjeruar edhe në 12 shtete të tjera
“Tashmë shtetasit shqiptarë me rezidencë në këto vende mund të tërheqin Certifikatën e Lindjes ose Familjare nëpërmjet Përfaqësive të RSH-së në: Vjenë, Sofje, Pragë, Budapest, Prishtinë, Zagreb, Tokio, Podgoricë, Bukuresht, Bratislavë, Bernë, Ankara dhe Stamboll”njofton ministria.
Sipas ministrisë së Punëve të Jashtme “ofrimi i këtij shërbimi nga përmbush objektivat dhe prioritetet e Qeverisë shqiptare për ofrimin e shërbimeve ndaj shtetasve shqiptarë jashtë territorit të RSH-së, lehtësimin dhe reduktimin e ndjeshëm të kohës për marrjen e këtyre shërbimeve nëpërmjet Përfaqësive Diplomatike dhe Konsullore dhe zgjerimin e gamës së këtyre shërbimeve online”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.