Ministria e Jashtme jep njoftimin e rëndësishëm – Hapen 6 zyra të reja aplikimi për dokumentet biometrike në Europë
Ministria për Evropën dhe Punët e Jashtme nëpërmjet një njoftimi në faqen zyrtare ka bërë me dije se do të hapen edhe gjashtë zyra të reja aplikimi për dokumentet biometrike në Evropë, për t’i ardhur në ndihmë qytetarëve shqiptarë që jetojnë jashtë.
Zyrat e reja të aplikimit do të hapen pranë Ambasadave Shqiptare në Vjenë, Austri; në Paris, Francë; në Berlin, Gjermani; në Stokholm, Suedi; si dhe pranë Konsullatave në Bari, Itali dhe në Stamboll, Turqi.
Së bashku me zyrat e reja numri total i zyrave të aplikimit në mbarë botën shkon në 14 ka njoftuar Ministria. Aktualisht, shërbimi i pajisjes me dokumente identiteti është i pranishëm në Ambasadat e Konsullatat shqiptare në 6 shtete: në Athinë e Selanik, Greqi; në Romë e Milano, Itali; në Bruksel Belgjikë; në Mynih Gjermani; në Londër, Britania e Madhe dhe New York, SHBA.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.