Ministria e Shëndetësisë: 16 teste pozitive gjatë 24 orëve të fundit / Shërohen 12 pacientë të tjerë
Ministria e Shëndetësisë ka njoftuar se gjatë 24 orëve të fundit janë kryer 175 teste nga ku kanë rezultuar pozitiv 16 raste të reja .
Deri në këto momente janë kryer 2571 testime dhe rastet e të prekurve në total kanë shkuar në 377 raste. Gjithashtu janë testuar edhe 11 personel shëndetësor të cilët kanë rezultuar të gjithë të pa infektuar,.
Betejën me këtë sëmundje e kanë humbur 21 qytetarë, pavarësisht përpjekjeve të jashtëzakonshme të personelit.
Në 24 orët e fundit, 12 pacientë i janë shtuar listës së të shëruarve, duke e çuar numrin në këtë listë në 116 qytetarë, pra në rreth 30 % e të prekurve rezulton se shëruar.
Ministria e Shëndetësisë informon se në shërbimin infektiv ndodhen 66 qytetarë të shtruar, 5 prej të cilëve ndodhen në terapi intensive. Në spitalin Covid 2,Shefqet Ndroqi ndodhen 7 pacient të shtruar ku 6 janë në terapi intensive dhe 2 të intubuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.