Ministria e Shëndetësisë hap konkursin për drejtorët e spitaleve – Afatet e aplikimit dhe kushtet që duhet të plotësojnë kandidatët
Ministria e Shëndetësisë dhe Mbrojtjes Sociale hap konkursin publik për drejtorët e spitaleve Universitare dhe Rajonale në të gjithë vendin. Afati i fundit për aplikim do të jetë data 6 Tetor. Dokumentacioni i kandidatëve do të dorëzohet pranë Ministrisë së Shëndetësisë dhe Mbrojtjes Sociale.
Përkatësisht për pozicionet “Drejtor i Përgjithshëm” të spitaleve universitare dhe “Drejtor” të spitaleve rajonale, aplikohet si më poshtë:
Spitalet Universitare
Qendra Spitalore Universitare “Nënë Tereza”
Spitali Universitar i Traumës
Spitali Universitar Obstetrik Gjinekologjik “Koco Gliozheni”
Spitali Universitar Obstetrik Gjinekologjik “Mbretëresha Geraldinë”
Spitali Universitar “Shefqet Ndroqi”
Spitalet Rajonale
Spitali Berat
Spitali Dibër
Spitali Durrës
Spitali Elbasan
Spitali Fier
Spitali Gjirokastër
Spitali Korçë
Spitali Kukës
Spitali Lezhë
Spitali Shkodër
Spitali Vlorë
Çfarë kriteresh duhet të plotësojnë kandidatët që do të aplikojnë për këto pozicione?
Të zotërojë diplomë të nivelit master shkencor, preferohet në Shkenca: ekonomike/juridike/mjekësore;
Të ketë përvojë pune minimumi 5 vjet;
Preferohet të ketë eksperiencë pune në drejtim ose menaxhim;
Të mos jetë marrë ndaj tij masë disiplinore gjatë tre viteve të fundit;
Të mos jetë dënuar me vendim të formës së prerë për kryerjen e një vepre penale;
Kandidatët që aplikojnë duhet të dorëzojnë dokumentet si më poshtë:
Letër interesi për pozicionin në të cilin po konkurron;
Jetëshkrim i plotësuar në përputhje me formatin e përcaktuar në shtojcën 1 (bashkëlidhur);
Tabelën e plotësuar me të dhënat për aplikant sipas modelit të përcaktuar në shtojcën nr. 2 (bashkëlidhur);
Formular vetëdeklarimi i gjendjes gjyqësore;
Dy referenca nga punëdhënës apo bashkëpunëtorë të mëparshëm;
Vlerësimi i mëtejshëm i kandidatëve që plotësojnë kriteret e përgjithshme do të bëhet nëpërmjet testimit me shkrim dhe intervistës me gojë. Lexo këtu fushat e njohurive mbi të cilat do të zhvillohet testimi me shkrim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.