Ministrja Denaj në takim me sipërmarrjen: Angazhim për lehtësi fiskale!
Në rrjetin social të saj Facebook, Ministrja e financave Anila Denaj ka publikuar takimin që ka zhvilluar me disa biznese bashkë me Drejtoreshën e Përgjithshme të Tatimeve, Delina Ibrahimajn.
Në takim, ministrja Denaj ka theksuar angazhimin e qeverisë për të lehtësuar më tej sipërmarrjen nëpërmjet politikave fiskale, përtej paketave ndihmëse që kanë ardhur si rrjedhojë e pandemisë.
Postimi i ministres Denaj në Facebook:
“Së bashku me Drejtoreshën e Përgjithshme të Tatimeve, Delina Ibrahimaj, në takimet e drejtpërdrejta me sipërmarrjen. Qeveria është e angazhuar, që krahas paketave ndihmëse që miratoi për biznesin gjatë pandemisë, të krijojë lehtësi fiskale për sipërmarrjen. Nismat e fundit fiskale, si ajo e zerimit të tatim fitimit për bizneset deri në 14 milionë lekë dhe e TVSH për çdo biznes deri në 10 milionë lekë është një çlirim për sipërmarrjen.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.