Ministrja e Financave Anila Denaj në “Argument”: Fiskalizimi, sistemi i ri testohet në tetor. Çfarë duhet të kenë parasysh bizneset
Sistemi i ri i fiskalizimit do të testohet në muajin tetor. E në rast se do të konstatohen problematika që lidhen me funksionimin e sistemit apo me kosot, atëhere do të gjykohet nëse do të jetë e nevojshme për të bërë njën shtyrje apo korrigjime të nevojshme. Këtë e bëri të ditur ministrja e Financave Anila Denaj, e ftuar në emisionin “Argument” në SCAN.
“Ne jemi në fazë projekti e testimi është menduar të bëhet në muajin tetor. Tetori do na tregojë shumë më tepër nëse është një situatë sepse është e re, ka kosto më të mëdha, etj dhe do jemi duke diskutuar dhe për të marrë vendime, për të mos u keqkuptuar dhe brenda synimit të shikojmë edhe se cili do të ishte afati i shtyrjes. Nuk e themi dot tani. Do e themi në momentin e duhur” tha Denaj e pyetur nga drejtuesi i emisionit Enio Civici.
Reforma e fiskalizimit parashikon të sjellë një mënyrë të re të raportimit të shitblerjeve, të cilat do të bëhen online dhe në kohë reale.
“Në këtë sistem mundësohet raportim në kohë reale për çdo produkt dhe evidentohet lehtë nëse është paguar me cash apo përmes sistemit bankar. Kjo do të ulë evazionin”tha Denaj.
Denaj u ndal gjerësisht në mënyrën sesi po diskutohet për këtë reformë në takimet me grupet e interesit, ndërsa evidentoi se janë marrë një serë rekomandimesh që janë reflektuar.
SCAN
Argument me Ministren e Financave dhe Ekonomise, Anila Denaj
Posted by RADIO TELEVIZIONI SCAN on Monday, September 9, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.