Ministrja Xhaçka, bën publik raportin e dëmeve nga rreshjet/ Ja cilat janë zonat më të prekura

Ministrja e Mbrojtjes, Olta Xhaçka, ka bërë publik raportin lidhur me gjendjen në vend pas rreshjeve të dendura të shiut. Sipas ministres Xhaçka, rrethet më të prekura janë paraqitur Tirana, Kamza, Lezha dhe Fushë Kruja. Situata paraqitet e stabilizuar dhe pa probleme, me perjashtim të disa zonave te izoluara që po survejohen.

Është testuar mekanizmi i ri i mbrojtjes cilive, i cili në bashkëpunim me institucionet e tjera, ka bërë të mundur që akset rrugore, si edhe sistemet kryesore të furnizimit të energjisë dhe ujit të jenë funksionale për shkak të dëmtimit të shtyllave apo kanalizimeve.

Në Tiranë, paraqiten 105 banesa me prezencë uji, dhe vështirësi më të mëdha paraqiten në Bashkinë Kamëz.

Fushë Kruja paraqet situatën më problematike, pasi zona të ndryshme të kësaj njësie administrative funksionojnë edhe si ujëmbledhës dhe nga zona të tjera të Tiranës, duke u vënë re prani e shtuar e ujit, jo vetëm nga rreshjet por dhe nga vërshimi i ujit nga zonat me reliev më të lartë.

Aktualisht, raportohen për 10 familje në fshatin Larushë, dhe për 8 familje në fshatin Bubq, në banesat e të cilave ka prani uji. Në fshatrat, Bilaj, Murqinë, Mallkuç, lumi Ishëm, doli nga shtrati dhe ka përmbytur toka bujqësore duke rrezikuar dhe shtëpi të ndërtuara pranë lumit.

Në bashkinë Lezhë, situata paraqitet e stabilizuar, pas rritjes së nivelit të ujit, mbrëmjen e djeshme.

Në Bashkinë Kurbin, situata ishte më problematike, pasi rreshjet e tepërta bën të mundur që të përmbyten disa banesa dhe të evakuohej një familje, pasi rreth 350 hektarë tokë janë nën ujë.

Në qarkun Shkodër, pavarësisht rreshjeve të dendura, sipas raportimeve nga të 5 bashkitë nuk ka probleme.

Situata e përgjithshme mund të thuhet se është nën kontroll, dhe problemet e shkaktuara nga rreshjet e mbrëmjes së djeshme, janë të kufizuara. Ministrja Xhaçka, gjithashtu deklaroi se po monitorohen lumenjtë kryesore për situatën në vijim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.