“Miqtë e Shqipërisë” në Bruksel – Rama: I meritojmë negociatat. Mogherini: Mbështetje 100%

Gjatë takimit “Miqtë e Shqipërisë” në Bruksel, Kryeministri Edi Rama ka thënë se Shqipëria e meriton çeljen e negociatave me Bashkimin Evroian, dhe se kjo nuk është ndonjë dhuratë apo favor I pamerituar. Ai tha se Shqipëria ka hedhur hapa të rëndësishme në luftën kundër korrupsionit, krimit të organizuar, por veçanërisht në reformën në drejtësi.

Shefja e Politikave të Jashtme të Bashkimit Evropian, Federica Mogherini, përmendi në takim progresin e reformave në Shqipëri. Ajo tha se pret një rekomandim të pakushtëzuar të Komisionit Evropian për çeljen e negociatave me Shqipërinë.

Gjatë vizitës që po zhvillon në Bruksel, Rama është takuar edhe me Komisionerin për zgjerim Johannes Hahn nga i cili mori mbështetje për reformat e ndërmarra nga vendi ynë.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.