Miratimi i vaksinës së Moderna në BE – Agjencia e Barnave, ende e pavendosur. Pritet një vendim të Mërkurën
Agjencia Europiane e Barnave nuk ka arritur dot një vendim për miratimin e vaksinës së Moderna ndaj Covid-19, sipas Autoritetit Kombëtar të Barnave në Holandë. Komisioni i barnave njerëzore tek agjencia (CHMP) kishte bërë thirrje për një takim ditën e Hënë për të diskutuar mbi vaksinën e Moderna, 2 ditë përpara mbledhjes së planifikuar më datë 6 janar.
Rregullatori i barnave në Holandë, deklaroi se miratimi mund të ndodhë në takimin e së Mërkurës dhe se nuk është e qartë pse nuk u arrit një vendim ditën e Hënë. “Kishim shpresa për më shumë, po e dinim që do të ishte e pamundur për t’iu përgjigjur të gjithë pyetjeve në 1 takim”- tha kryetari i rregullatorit holandez, Ton de Boer. Ai shtoi se shpreson për një vendim ditën e Mërkurë, por që nuk është e sigurtë. Agjencia Europiane e Barnave ka caktuar afat datën 12 Janar, për rekomandimin e vaksinës së Moderna. Vaksina e Pfizer me partnerin gjerman BioNTech, mori autorizim më datë 21 Dhjetor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.