Miratohen 149 dosje kompensimi- Shpërndahen 113 milionë lekë për pronarët. Emrat e përfituesve
Agjencia e Trajtimit të Pronave (ATP) njofton se ka përfunduar procesin e shqyrtimit për 149 (njëqindë e dyzetë e nëntë) kërkesa, të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/shpërblimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave.
“149 (njëqind e dyzetë e nëntë) kërkesa e miratuara, përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse. Fondi financiar që shpërndahet nga ATP për këto 149 (njëqindë e dyzetë e nëntë) kërkesa është në vlerën 113 milionë e 639 mijë lekë” njofton ATP.
Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.
Kliko per emrat e perfituesve: https://drive.google.com/file/d/1bxkSE-J4RnE9aMxYM975C7W4MUm3Xaja/view
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.