Miratohen marrëveshjet ndërkombëtare – Komisioni i Politikës së Jashtme, pro huave ndër të cilat ajo për emergjencën e Covid-19

Komisioni i parlamentar i Politikës së Jashtme miratoi me shumicë votash  projektligjet për ratifikimin e marrëveshjeve ndërkombëtare për përfitimin e huave  lidhur me  lehtësimin e kufizimeve të financimit të jashtëm të vendit, rritjen e kontributit të turizmit në  ekonomi si edhe atë për  emergjencën e  COVID-19. Gelardina  Prodani, sekretare e përgjithshme pranë ministrisë së Shëndetësisë  sqaroi objektivat që do të arrihen përmes huas prej 15 mln eurosh   që do të përfitohet  nga Projektligjin për ratifikimin e marrëveshjes ndërmjet Shqipërisë dhe Bankës Ndërkombëtare për Rindërtim dhe Zhvillim, sipas të cilës   do të ndihmojnë në përballimin e situatës  së shkaktuara nga pandemia e covid -19

Gjithashtu, komisioni miratoi edhe marrëveshjen e huasë, ndërmjet Shqipërisë, dhe Bashkimit Europian për ndihmën makrofinanciare për Shqipërinë në vlerë 180 milionë euro.

Komisioni votoi me shumicë votash edhe Projektligjin “Për ratifikimin e marrëveshjes së huas, ndërmjet Shqipërisë dhe BERZH për Programin për Zhvillimin e Turizmit dhe Infrastrukturës në Shqipëri në shumën 60 milionë euro.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.