Miratohet kredia 15 milion euro për covid-19 – Manastirliu: Fuqizojmë sistemin. Hajdari: 1.2 mld euro borxhe, por vetëm 150 mln për emergjencën
Kuvendi ka miratuar marrëveshjen e huasë prej 15 mln euro që do të shkojë për përballimin e situatës së krijuar nga COVID-19. Gjatë fjalës së saj në Kuvend, ministrja e Shëndetësisë dhe Mbrojtjes Sociale, Ogerta Manastirliu tha se ndër të tjera ajo do të shkojë për fuqizimin e sistemit spitalor, atij laboratorik si dhe sigurimin e mjeteve mbrojtëse për personelin shëndetësor.
Por, deputetët e opozitës parlamentare e konsideruan të padrejtë marrjen e një tjetër kredie. Deputetja Rudina Hajdari tha se deri më tani qeveria ka marrë 1.2 mld euro borxh, por vetëm 150 mln euro janë përdorur për situatën e krijuar nga COVID-19.
Gjithashtu, Hajdari kërkoi një paketë të tretë ndihme për biznesin, teksa theksoi si domosdoshmëri mbështetjen e biznesit të vogël.
Huaja e Bankës Ndërkombëtare për Rindërtim dhe Zhvillim ka një afat maturimi prej 12 vitesh, ndërkohë që në 3.5 vitet e para nuk do të paguhet principali, por vetëm interesat.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.