Miratohet paketa ‘Anti-KÇK’ duke hyrë menjëherë në fuqi/ Si do të funksionojë dhe kush është në “scanner”?!
‘’Pas një procesi diskutimesh shteruese mes përfaqësuesve të Ministrisë së Drejtësisë, Ministrisë së Brendshme, përfshirë këtu edhe zyrën e Kryeministrit, Policinë e Shtetit, shërbimet partnere dhe ekspertët vendas dhe të huaj të reformës në drejtësi, sot kemi miratuar në mbledhjen e Qeverisë, paketën ligjore Anti-KÇK.’’– kështu e ka nisur konferencën e saj për shtyp ministrja e drejtësisë Etilda Gjonaj.
Sipas ministres, nëpërmjet kësaj pakete forcohet dhe ashpërsohet lufta kundër krimit të organizuar dhe të gjithë atyre që mendojnë se mund të sfidojnë në këtë vend forcën e ligjit. Pjesë e paketës Anti-KÇK që shënjestron pasurinë, ka gjithashtu në fokus të gjithë ata individë, qofshin të dënuar apo të akuzuar për kategoritë e krimeve,. Referuar nismës, të gjithë këta individë do të duhet të provojnë se banesat, bizneset, tokat, llogaritë bankare, mjetet motorike në posedim të tyre apo edhe të familjareve të tyre, burojnë nga puna dhe jo nga aktiviteti i paligjshëm dhe i pajustifikuar. Njëkohësisht, subjekte të kësaj pakete janë të gjithë ata, të cilët për të fshehur pasuritë e tyre të paligjshme, i kanë transferuar ato në emra të palëve të treta. Këto lloj transferimesh apo transaksionesh në bazë të këtij akti normativ do të anulohen dhe konsiderohen të pavlefshme.
Ndërsa, pjesa tjetër e paketës ka të bëjë me gjyqtarë dhe prokurorë të korruptuar, të cilët po sfidojnë shtetin, ligjin dhe tërë shoqërinë.
‘’Akti normativ i miratuar do ti jap Policisë së Shtetit, SPAK-u dhe Gjykatave të Posaçme mjetet dhe kornizën e duhur ligjore për të luftuar krimin e organizuar në mënyrën më efikase të mundshme.’’- ka theksuar ndër të tjera ministrja Gjonaj.
SCAN
Kryeministria – MIRATOHET PAKETA ANTI KÇK dhe LIGJI SPECIAL PËR MASAT PASURORE NDAJ KRIMIT TË ORGANIZUAR👊Çdo i dënuar apo i akuzuar për krim të organizuar apo krime të rënda, duhet të provojë përpara gjykatës si e ka krijuar pasurinë. Çdo lloj pasurie që nuk buron nga puna do të sekuestrohet në favor të shtetit. Informon publikun Ministrja e Drejtësisë, Etilda Gjonaj
Posted by Edi Rama on Friday, January 31, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.