Miratohet projektligji “Për ndryshimet Klimatike” – Kamenica: I hap rrugën projekteve, bashkëpunim me Suedinë për monitorimin mjedisor
Pas më shumë se një viti qëndrimi pezull, Komisionin Parlamentar për Veprimtarinë Prodhuese, Tregtinë dhe Mjedisin ka shqyrtuar dhe miratuar në parim projektligjin “për ndryshimet klimatike”. Gjatë diskutimit, sekretari i përgjithshëm i Ministrisë së Turizmit dhe Mjedisit, Adrian Kamenica u shpreh se miratimi i tij do i hap rrugë nismave të reja . Kamenica shtoi se po bashkëpunohet me qeverinë Suedeze për projekte të cilat do të ndihmojnë në rritjen e kapaciteteve, veçanërisht ato monitoruese të mjedisit .
Për deputetin Besnik Baraj Ministria ka treguar mungesë serioziteti lidhur me informacionet sa i takon çështjeve mjedisore në vend , ai kërkon transparencë
Projektligji parashikon të kontribuojë në uljen e shkarkimeve të gazeve me efekt serrë, të përshpejtojë përshtatjen ndaj ndryshimeve klimatike,të kontribuojë në përpjekjet globale ndaj ndryshimeve klimatike si edhe krijimin e një kuadri gjithëpërfshirës ligjor dhe ndërinstitucional për ndërmarrjen e veprimeve ndaj klimës në nivel kombëtar.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.