Miratohet vendimi për shpronësimin e pronarëve që preken nga projekti i rikualifikimit urban të Roskovecit
Këshilli i Ministrave ka miratuar vendimin për shpronësimin e pronarëve që preken nga realizimi i projektit për rikualifikimin urban të bllokut nr.2, qendra e qytetit Roskovec.
Fondi i akorduar kap vlerën e mbi 24.4 milionë lekëve, i cili sipas vendimit do të përballohet nga “Fondi i shpronësimeve “në Bankën e Shqipërisë.
Siç ishte bërë edhe më herët publike nga kërkesa e Ministrisë së Infrastrukturës dhe Energjisë, janë 27 persona që do të shpronësohen. Vendimi do të hyjë në fuqi menjëherë pas botimit në ‘Fletoren Zyrtare.’
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.