Mirupafshim Mario Draghi! Nuk do të ketë festë. BQE, ende larg me objektivat

Mario Draghi, presidenti i Bankës Qendrore Europiane, që ka shpëtuar euron gjatë krizës së borxheve sovrane, do të zhvillojë takimin e fundit të politikave në krye të Institucionit. Megjithatë,  takimi nuk pritet të jetë një “xhiro e nderit” për politikëbërësin italian.

Fjalimi i tij në vitin 2012,  ku tha se do të bëjë gjithçka për të shpëtuar ekonominë, përfundoi krizën e borxhit të Eurozonës.  Megjithatë,  fjalimi i tij po harrohet dhe inflacioni vazhdon të qëndrojë larg objektivit të institucionit.

Për më tepër, politikëbërësit e Bankës Qendrore Europiane janë më të ndarë se kurrë dhe stimuijt e fundit monetarë morën pak mbështetje nga bordi drejtues.

Institucioni nuk pritett të bëjë lajmërime të reja të politikave, por Draghit, që do zëvëndësohet nga Christine Lagarde më 1 Tetor,  pritet t’i kërkohen përgjigje për këto ndasi brenda Bankës Qendrore.

Sipas një sondazhi të Reuters, thuajse 95% e të anketuarve thanë se paketa e stimujve e bankës nuk do të nxisë inflacionin drejt nivelit objektiv.

Inflacioni rezultoi në 0.8% gjatë Shtatorit, që është niveli më i ulët në 3 vite.  Problemi  për Bankën Qendrore Europiane është se disa faktorë që po mbajnë inflacionin e ulët, janë jashtë kontrollit të institucionit. Rritja e pagave po limitohet nga konkurrenca botërore hde automatizimi, ç’ka nënkupton se stimujve monetarë i duhen më shumë kohë që të japin efekt.

Ekonomia e Eurozonës varet gjithashtu nga eksportet,  ç’ka hap një vrimë në sferën mbrojtëse të Bankës Qendrore Europiane,  ku futen efektet e luftës tregtare mes Kinës dhe Shteteve të Bashkuara.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.