Mitingu i ekstremisteve të djathtë kthehet i dhunshëm në Romë. Kërkohet dorëheqja e qeverisë: “Po shkatërrohet ekonomia”

Një miting nga ekstremistët e krahut të djathtë italian dhe tifozët ultras të futbollit rreth reagimit të qeverisë ndaj koronavirusit është kthyer papritur i dhunshëm. Përplasjet në qendër të kryeqytetit, Romë, filluan pas një përleshje mes demonstruesve, thonë raportet. Policia u përgjigj me topa uji dhe gaz lotsjellës, dhe bëri disa arrestime. Qindra marshuan për t’i bërë thirrje qeverisë të japë dorëheqjen për trajtimin e saj të krizës dhe dëmet e bëra në ekonomi dhe punë.

Me më shumë se 33.800 vdekje dhe 234,000 raste që nga fillimi i shpërthimit të koronavirusit, Italia ka qenë një nga vendet më të goditura në botë.Përplasjet shpërthyen ndërsa njëri prej përfaqësuesve të tyre filloi të flasë me mediat, thonë raportet.Disa demonstrues hodhën shishe, gurë dhe bomba tymi drejt policisë, gazetarëve dhe fotografëve dhe bërtitën “gazetarë, terroristë”, raporton agjensia e lajmeve AFP. Një protestues tha që të pranishmit ishin njerëz që donin të rivendosnin “ligjshmërinë dhe dinjitetin në Itali”.

“Ne jemi këtu për ta bërë të gjithë botën të kuptojë se sot në Itali, çdo kategori e punëtorëve është shkatërruar nga një qeveri që në fakt nuk po punon për interesat e italianëve,” i tha ai agjencisë së lajmeve Reuters.

Italia ka hyrë në fazën e saj të fundit në lehtësimin e kufizimeve të bllokimit, duke lejuar udhëtimin e brendshëm midis rajoneve dhe hapjen e kufijve të saj ndërkombëtarë. Kryeministri Giuseppe Conte ka thënë se qeveria po punon për të shpejtuar pagesat sociale dhe premtoi “një reformë serioze të taksave”.(BBC)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.