Mitsotakis: “Turqia nuk duhet të detyrojë Greqinë dhe Europën mbi emigrantët”

Kryeministri Grek Kyriakos Mitsotakis u shpreh se Turqia nuk duhet të përpiqet të detyrojë as Greqinë as Evropën në përpjekjet e saj për të marrë mbështetje për një plan për të rivendosur refugjatët sirianë në veriun e Sirisë.

Turqia planifikon të rivendosë 1 milion refugjatë dhe mund të rihapë rrugën për emigrantët në Europë nëse nuk merr mbështetje ndërkombëtare, tha Presidenti Tayip Erdogan.

“Z. Erdogan duhet të kuptojë se ai nuk mund të kërcënojë Greqinë dhe Europën në përpjekje për të siguruar më shumë burime për çështjen e refugjatëve,” u shpreh Mitsotakis.

“Europa ka dhënë shumë para, gjashtë miliardë euro vitet e fundit, në kuadrin e një marrëveshje midis Europës dhe Turqisë e cila ka qenë e dobishme dhe reciproke,” shtoi ai.

Greqia, e cila ndan një kufi të gjatë detar me Turqinë, është një nga vendet e vijës së parë që merr me mijëra refugjatë dhe emigrantë.

Vetë Turqia ka gati 4 milion sirianë, deri tani grupi më i madh i refugjatëve që kanë kaluar kufijtë e Sirisë për të ikur nga një luftë civile tetë vjeçare.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.