”Mjedisi, tejet i rëndësishëm” -Vlerësimet e Trump në Davos përkundrejt protestave të të rinjve

Presidenti Donald Trump, larg seancës gjyqësore për shkarkim në Shtetet e Bashkuara,  mori vëmendjen kryesore në Davos duke mbrojtur suksesin ekonomik të Amerikës dhe duke i kushtuar rëndësi klimës. Trump tha se pjesëmarrja në Forumin Ekonomik Botëror është e rëndësishme, pasi do të marrin pjesë njerëzit më të mëdhenj në botë.

”Jemi këtu për t’u takuar me liderët botërorë,  me njerëzit më të mëdhenj dhe më të rëndësishëm në të gjithë botën.   Do të mbaj një fjalim dhe do largohem shpejt, por kjo është e rëndësishme.  E përsëris, do takohemi me kompanitë më të mëdha dhe liderët botërorë,   në përfitim të Shteteve të Bashkuara.”- është shprehur Trump.

Ndërsa pyetej për ndryshimin klimatik, që është tema kryesore në mbledhje, Trump e quajti mjedisin si “tejet të rëndësishëm”. Presidenti i Shteteve të Bashkuara shtoi se vendi i tij do t’i bashkohet iniciativës të nisur tek Forumi Ekonomik Botëror, për të mbjellë 1 trilionë pemë. Ai i bëri komentet ndërkohë që aktivistët  shtuan presionet tek bizneset dhe qeveritë.

“Jam një besimtar i madh i mjedisit. Është shumë i rëndësishëm për mua”, tha Trump ndërsa largohej.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.