Mjekët paralajmërojnë: Këpucët dhe pazaret mund të përhapin Koronavirusin! – Ja çfarë duhet të bëni
Mjekët kanë paralajmëruar se blerjet dhe këpucët mund të sjellin Koronavirusin në shtëpitë e njerëzve. Edhe nëse njerëzit lajnë duart e tyre ashti si duhet, mjekët thanë se virusi vdekjeprurës mund të sillet nëpër shtëpi me mjete të tjera. Mjekët kanë ofruar edhe këshilla se si ta ndalojmë këtë, sidoqoftë.
Javid Abdelmoneim, një doktor i A&E, dhe Lisa Cross, një virusologe e specializuar, u kanë thënë familjeve se si të frenojnë përhapjen e virusit, raporton Lincolnshrie Live. Ekspertët paralajmëruan që blerësit mund të sjellin më shumë sesa sende ushqimore pasi hyjnë në shtëpi, pasi Koronavirusi është i aftë të mbijetojë në këpucë dhe pazare.
Gjëja e parë që duhet të bëni, sipas mjekëve, është të hiqni këpucët posa të hyni në shtëpi dhe të vishni vetëm një palë kur të dilni. “Kur hyni për herë të parë nga jashtë, hiqni këpucët menjëherë. “Shumica e këpucëve kanë një thembër gome jo poroze, në të cilën virusi mund të mbijetojë për rreth tre dhe pesë ditë. “Mbani këpucë në korridorin tuaj, ose në të njëjtin vend dhe përpiquni të përdorni vetëm një palë këpucë për të dalë jashtë,” shpjeguan ata.
Abdelmoneim dhe Cross gjithashtu këshilluan ndryshimin dhe larjen e rrobave menjëherë pasi të jeni kthyer nga jashtë – veçanërisht nëse keni qenë në transport publik. Ata thanë: “Besohet se Koronavirusi mund të zgjasë deri në 24 orë në rroba.” “Nëse është dashur të përdorni transportin publik, ose të keni kontakte të ngushta me njerëzit, mendoni të ndryshoni menjëherë rrobat dhe t’i vendosni ato në lavatriçe,” shtuan ata.
Ndërsa ata thonë se ushqimi i gatshëm i fast food-eve nuk ka të ngjarë të jetë një rrezik, sepse edhe nëse grimcat e virusit gjenden në ushqim, ato ndoshta nuk do të mbijetojnë në acidin tonë në stomak, por pretendohet se është paketimi i ushqimit që bëhet më shqetësues.
Koronavirusi mund të jetojë deri në 24 orë në karton dhe midis tre dhe pesë ditë në plastikë, kështu që Cross këshillon njerëzit të hedhin paketimin e jashtëm të ushqimeve që blejnë. Mjekët gjithashtu këshillojnë të lani me ujë e sapun paketimet që nuk mund të hiqen dhe të hidhen si qeset e orizit, makaronave, kanaçeve dhe kutive të ndryshme ushqimore etj. Cross shtoi se sapuni dhe uji janë veçanërisht të përshtatshëm për të vrarë Koronavirusin në sende që bien në kontakt me ushqimet.
Së fundmi Abdelmoneim rekomandoi që të keni dy peshqirë të veçantë guzhine, një për tharjen e duarve dhe një për tharjen e enëve, për të ndaluar ndotjen e tërthortë. Këshilltari kryesor shkencor Sir Patrick Vallance tha kohët e fundit se masat e distancës sociale po ndihmojnë për të parandaluar njerëzit të marrin Covid-19.(liverpoolecho)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.