Mjeku i njohur poston fotot nga Infektivi dhe kujton 4 epidemitë e 30 viteve të fundit në Shqipëri: Do ta fitojmë edhe këtë betejë!
Mjeku i njohur infeksionist Tritan Kalo ka postuar disa foto të ekipit të mjekëve që po trajtonte të prekurit nga COVID-19 në spitalin infektiv në Tiranë.
Në postimin e tij Kalo evidenton se ekipi i sëmundjeve infektive në QSUT ka një eksperiecë të pasur në përballimin e shumë epidemive në 30 vitet e fundit dhe ai përmend Fruthin në 1989, kolerën ne 1994, poliomelitin në 1996 dhe gripin e derrit në vitin 2009.
“Puna jonë në grup kurdoherë ka bërë që ta meritojmë plotësisht njohjen si shërbimi më i mirë në shëndetësinë publike të Shqipërisë!!! Ne do ta fitojmë edhe këtë bejetë!!!” e mbyll postimin e tij Kalo.
Postimi i plotë i mjekut Tritan Kalo:
Në vijën e parë të “luftës ndaj Covid-19”…..Ekipi i shërbimit të sëmundjeve infektive në QSUT “Nënë Tereza”, ka një eksperiencë të pasur në përballimin e shumë epidemive në këto 30 vitet e fundit….Fruthi në 1989, Kolera në 1994, Polimyeliti në 1996 dhe Gripi i derrit 2009…..Eksperienca dhe përkushtimi nuk mungojnë, përkundrazi ato janë një garanci e sigurtë se ne do t’ia dalim mbanë edhe përballimit të epidemisë nga Sars-Cov-2/Covid-19….
Jemi të gjithë në krah të njëri tjetrit mjek, imazherist, farmacistë, infermjerë dhe sanitare të të gjithë grup moshave…Kini besim në përkushtimin dhe sakrificat tona për t’ju shërbyer në çdo kohë dhe në çdo rrethanë….Jemi me ju dhe për ju në gadishmërinë maksimale….Puna e jonë në grup kurdoherë ka bërë që ta meritojmë plotësisht, njohjen si shërbimi më i mirë në shëndetësinë publike të Shqipërisë!!!!…Ne do ta fitojmë edhe këtë betejë!!!
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.