Moderna, marrëveshje me Lonza / Do përgjysmojë dozën e dytë nxitëse për të rritur ofertën totale
Moderna po përgatitet të përgjysmojë dozën e vaksinës së Covid, sipas një deklarate të kompanisë, në mënyrë që ta përdorë edhe për të luftuar variantet dhe vaksinuar fëmijët. Kompania ra dakord me firmën zvicerane të barnave Lonza, që bëri të ditur se një linjë e prodhimit të substancës së një ilaçi të ri në Holandë, do të ketë kapacitet për të bërë ingredientë për mbi 300 milionë doza në vit, në 50 mikrogramë për dozë. “Po vlerësojmë se deri në vitin 2022m ne do kemi një miks të niveleve të dozave në treg”- deklaroi Moderna. Kompania amerikane, që ka studiuar versione me dozë të ulët për të zgjeruar ofertën e vaksinës, ka dërguar deri më tani dozën e miratuar për 100 mikrogramë. Moderna ka bërë të ditur se të dhënat fillestare mbi dozat nxitëse prej 50 mikrogramë, kanë treguar se mbrojnë kundër varianteve të virusit. Dozat më të ulëta mund t’i jepen gjithashtu fëmijëve, që mund të mos kenë nevojë për një të plotë. Marrëveshja e Moderna me Lonza, së bashku me një pakt të mëparshëm me spanjollen Rovi, e çon prodhimin prej 50-mikrogramë në Europë në 600 milionë doza në vit. Moderna synon të dërgojë deri në 3 miliardë doza në vitin 2022, nga një maksimum prej 1 miliardë doza këtë vit, pa specifikuar miksimin e dozave.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.