Mogherini dhe Hahn: E ardhmja e Kosovës është në BE

Shefja e Politikës së Jashtme të BE-së, Federica Mogherini dhe Komisioneri Johannes Hahn i kanë shkruar ministrit të Jashtëm në detyrë të Kosovës, Enver Hoxhajt.

Në letrën dërguar pas zgjedhjeve, Mogherini garanton mbështetje për Kosovën, në rrugën drejt Bashkimit Evropian. Ajo ka thënë se e ardhmja e Kosovës dhe e gjithë Ballkanit është në Bashkimin Evropian, raporton Koha.net.

Ndërkohë Hahn ka thënë se do të vazhdojë të jetë i përkushtuar në objektivin e një të ardhmeje të përbashkët të Kosovës, Ballkanit dhe Bashkimit Evropian.

“Siç e kemi theksuar edhe bashkarisht, e ardhmja e Kosovës dhe e Ballkanit Perëndimor është e lidhur direkt me Bashkimin Evropian. Ndaj me ju përkushtimin për perspektivën Evropiane të Kosovës dhe rajonit dhe dua t’ju siguroj se do të vazhdoj pa u ndalur ta ndjek këtë objektiv”, ka shkruar Hahn.

Letra nga përfaqësuesit e lartë të BE vjen pas vizitës që Hoxhaj ka zhvilluar gjatë muajit Maj në Bruksel.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.