Moment ‘historik’ / Trump emëron një konservatore në Gjykatën Supereme, duke prishur balancat
Senati amerikan ka konfirmuar Amy Coney Barrett në Gjykatën Supreme, duke i dhënë Donald Trump një fitore të madhe, por partiake, vetëm tetë ditë para zgjedhjeve dhe mbyllur sundimin e krahut të djathtë tek gjykatës më e lartë e kombit për vitet që vijnë.
Votimi ishte një formalitet, me senatorë të ndarë pothuajse tërësisht përgjatë vijave të partisë, duke votuar 52 me 48, me vetëm një republikan që theu radhët. Por kjo përsëri shënoi një moment sizmik për Trump, për gjykatën supreme dhe për demokracinë amerikane.
Për presidentin, kjo do të thotë se trashëgimia e tij ndaj të emëruarve gjyqësorë është e sigurt pavarësisht nga rezultati i zgjedhjeve të javës së ardhshme. Trump do të ketë vendosur tre gjyqtarë konservatorë në gjykatë, megjithëse në rrethana shumë të diskutueshme.
Për gjykatën supreme, kjo vulosi një ekuilibër të pakundërshtueshëm gjashtë me tre midis konservatorëve dhe gjyqtarëve liberalë.
Kandidati demokrat Joe Biden protestoi për konfirmimin. Gjatë një ndalese fushate në Pensilvani, ai shkroi në Twitter: “Më shumë se 60 milion amerikanë kanë votuar tashmë. Ata meritojnë të dëgjojnë zërin e tyre të përfaqësohet tek zgjedhja se kush e zëvendëson gjykatëse Ginsburg.”
Emërimi i konservatores Barrett vjen fill pas vdekjes së gjykatëses Gindsburg.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.