Monitorimi i Subjekteve Audiovizive gjatë fushatës zgjedhore – AMA hap 27 vende pune të përkohshme
Nëpërmjet një njoftimi në faqen zyrtare, Autoriteti i Mediave Audiovizive ka bërë me dije se do të rekrutojë 27 punonjës të përkohshëm me kohë jo të plotë pune në pozicionin “Monitorues”.
KRITERE PUNËSIMI PËR OPERATORË MONITORUES:
- Studentë të cilët janë në vazhdim ose kanë përfunduar studimet universitare në nivelin bachelor ose master. (preferohet dega gazetari)
- Të ketë aftësi bashkëpunimi dhe bashkëveprimi.
- Të kenë aftësi të mira komunikimi, për të punuar në grup.
- Të ketë njohuri të paketës Microsoft Office, veçanërisht Excel.
- Të mos ketë qenë anëtarë i ndonjë partie politike në tre vitet e fundit.
DETYRAT FUNKSIONALE:
- Monitorimi i programeve të subjekteve audio/audiovizive (edicione lajmesh, reklama, programe, etj)
- Hedhja e të dhënave të monitorimit në programet specifike që zotëron AMA.
DOKUMENTACIONI PËR APLIKIM:
Dokumentacioni që duhet të dorëzojnë kandidatët për pozicionin e punës monitorues:
- Kërkesë me shkrim për punësim.
- Curriculum Vitae (në formatin Europass).
- Fotokopje e dokumentit të identifikimit.
- Fotokopje të diplomave të arsimimit ose vërtetim nga Universiteti përkatës që janë në ndjekje të nivelit të studimeve bachelor ose master.
- Çdo dokumentacion tjetër që vërteton trajnimet, kualifikimet apo të tjera të përmendura në jetëshkrim.
Formularin e deklarimit individual të nënshkruar (këtu bashkëlidhur)
PERIUDHA E PUNËSIMIT: Marrëdhëniet financiare fillojnë më datë 18 Mars 2021 dhe ndërpriten në datë 26 Prill 2021
MËNYRA E PAGESËS: Kategoria e pagës – IVB
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.