Moody`s shtyn vendimin – Kërkon më shumë kohë, zhvlerësimi i Italisë nuk është i sigurtë
Agjencia e vlerësimit të kreditit, Moody`s ka njoftuar shtyrjen e vlerësimit për Italinë. Vendi nuk i ka pasur asnjëherë mirë marrëdhëniet me agjencitë e vlerësimit. Në njoftimin e posaçëm, Moody`s thekson se, kjo shtyrje vjen si pasojë e ligjit të ri të njohur si ai i dinjitetit. “Masat e aprovuara nëpërmjet këtij ligji ulin fleksibilitetin dhe nga ana tjetër ka shumë pak gjasa që të nxisin punësimin”-thuhet në njoftimin e agjencisë.
Ky ligj sipas agjencisë përfaqëson një ndryshim të lehtë më shumë sesa një prapa-kthehu nga reformat e qeverisë së kaluar. Moody`s ka shtyrë kështu në kohë procesin e zhvlerësimit të notës së borxhit sovran të Italisë, proces i nisur që nga 25 Maji, kur agjencia theksonte se, një qeveri “liga e veriut-5 yjet” përkthehet në zhvlerësim. Për ta zbritur Italinë në Baa2, duket se tashmë agjencia ka kërkuar më shumë kohë.
Me shumë gjasa, procesi i rishikimit do të përfundojë në fund të muajit Tetor. Moody`s pret kështu publikimin vjetor të strategjisë ekonomike të qeverisë për të marrë një vendim më të justifikuar.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.