Mori dhuratë një biletë lotarie – 58 vjeçarja italiane fiton pikturën e Picassos me vlerë 1 milion dollarë
Një italiane fitoi një pikturë të Pablo Picassos me vlerë 1 milion euro pasi bleu një biletë lotarie bamirësie prej 100 eurosh.
Claudia Borgogno, një llogaritare, përmblodhi habinë e saj me një fjalë: “E pabesueshme”.
“Unë kurrë nuk kam fituar asgjë më parë,” tha 58-vjeçarja nga Ventimiglia, duke shtuar se i pëlqen Picasso dhe dëshira e të pasurit një nga pikturat e tij në murin e saj ishte ende e pa imagjinueshme.
Djali i saj Lorenzo Naso i kishte dhuruar asaj biletën për Krishtlindje.
“Ndoshta ishte vendimi më i mirë i jetës sime,” pohoi ai. “Kur mbërrita dhe i thashë që ajo kishte fituar ajo u shpreh: “Të lutem mos bëj shaka”.
Naso, një analist për Bashkimin Europian, jeton në Paris por ka qëndruar me nënën e tij në Itali gjatë mbylljes së koronavirusit.
Lotaria e bamirësisë shiti mbi 50,000 bileta në të gjithë botën, kryesisht në Francë, SHBA, Zvicër dhe Itali. Të ardhurat do të sigurojnë ujë për fshatarët në Madagaskar dhe Kamerun.
Piktura, e cila quhet Nature Mort, tregon një gazetë dhe një gotë absinthe në një tryezë druri.
Picasso e pikturoi atë në 1921, dhe kjo vjen nga koleksioni i miliarderit Monegasque David Nahmad, i cili përfshin rreth 300 vepra të artistit spanjoll.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.