Mos u frikësoni për vendin e punës – Këto 7 elementë do t’ju bëjnë të pazëvendësueshëm në punën tuaj

Pjesa më e madhe e njerëzve e ndjejnë gjatë të gjithë kohës frikën e të pushuarit nga puna. Shpesh ndodh që stresi psikologjik për këtë fakt të jetë shumë më i madh se sa lodhja nga puna në vetvete. Por cili është çelësi për të qenë të pazëvendësueshëm në punë? Këto shtatë elementë do t’ju ndihmojnë të bëheni të pazëvendësueshëm në punë tuaj dhe nëse arrini të bëheni të tillë  nuk keni pse ta vrisni më mendjen për pushimin nga puna.

Krijoni besueshmëri

Besueshmëria nuk ka të bëjë vetëm me shfaqjen në kohë. Do të thotë të jeni i gjindshëm kur gjërat bëhen të vështira dhe të jepni ndihmën tuaj në një situatë të vështirë do të thotë se jeni më i besueshëm se çdo punonjës tjetër.

Thjeshtoni punën e shefit tuaj

Nëse jeni duke bërë më të thjeshtë punën e drejtuesve tuaj, ata do të luftonin që t’ju kishin mes jush. Nëse drejtuesit ju shohin si një njeri që e bën punën e tyre më të thjeshtë dhe gjithë punën në grup më të mirë, ata do të jenë krah teje. Përpiquni të gjeni një hapësirë në aftësitë tuaja në mënyrë që ju të kryeni disa punë të cilat shefi juaj nuk mundet. Sa më shumë shefi juaj të mbështetet tek ju, aq më shumë i dobishëm bëheni ju.

Përqendrohuni në projektet kyçe

Përqendrohuni dhe jepuni përparësi projektet më të rëndësishme dhe jo atyre më të lehta për t’u bërë. Kjo do t’ju ndihmojë të krijoni profilin tuaj brenda kompanisë. Duke dalë vullnetar në projekte të cilat punonjësit e tjerë nuk kanë dëshirë të angazhohen, do t’ju bëjë të dukeni në sytë e drejtuesve tuaj një pjesëtar i përkushtuar i skuadrës.

Specializohuni

Specializohuni në një aftësi të veçantë. Gjeni një detyrë për të përmbushur dhe sigurohuni që të jeni personi që ta bëjë më mirë se kushdo tjetër atë.

Ndani njohuritë

Ndërkohë që ia vlen që ta poziciononi veten si një ekspert me njohuri dhe kompetenca, është po aq e rëndësishme që ju të ndani ekspertizën tuaj me punonjësit tuaj dhe t’i jepni vlerë të shtuar gjithë departamentit. Jini të gatshëm të mësoni të tjerët dhe të fitoni një status si një aset i paçmuar në kompani.

Ndërtoni marrëdhënie me të gjithë

Të krijoni marrëdhënie me njerëz të rëndësishëm në kompaninë tuaj mund t’ju bëjë jo vetëm të pazëvendësueshëm në pozicionin aktual, por mund të jetë një mundësi për të ecur përpara në karrierën tuaj.

Jepni zgjidhje

Drejtuesit nuk duan probleme. Ata duan zgjidhje. Nëse doni të bëheni i nevojshëm ju duhet t’u jepni zgjidhje shumë problemeve me të cilat përballet kompania juaj. Kur ju dëgjoni kolegët tuaj të ankohen për diçka, mendoni se si ta zgjidhni atë. Kjo do të rrisë vlerën tuaj në sytë e drejtuesit tuaj dhe te kompania në tërësi.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.