Moscovici: “Dera është e hapur” nëse Britania dëshiron të ndryshojë mendje mbi Brexit

“Dera është e hapur”, nëse Britania dëshiron të anulojë votën e vitit 2016 për t’u larguar nga Bashkimi Europian. Kështu është shprehur në një intervistë për mediat franceze të dielën Komisioneri Evropian për Bashkëpunimin Ekonomik dhe Monetar, Pierre Moscovici.

Disa politikanë britanikë janë shprehur se duhet të mbahet një tjetër referendum nëse Britania do të largohet nga BE-ja sapo të njihen kushtet e largimit dhe marrëdhëniet e mundshme të ardhshme midis Britanisë dhe bllokut ekonomik.

I pyetur për këtë, në intervistën e përbashkët për stacionin televiziv francez “C News”, radion “Europa 1” dhe gazetën “Les Echos”, ish ministri francez i financave, Moscovici, tha: “Dera është e hapur”

“Nëse britanikët duan të ndryshojnë mendje, kjo do të ishte shumë e mirëpritur”, shtoi më tej ai.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.