Moti i keq, OSHEE: Disa fshatra në Korçë pa energji elektrike, riparimet kërkojnë shumë kohë
Moti i keq, reshjet e dëborës dhe erërat e forta kanë shkaktuar problem në disa vende të Shqipërisë. Kështu sipas njoftimit të OSHEE në rajonin e Korçës disa fshatra kanë mbetur pa energji elektrike, pasi janë dëmtuar disa traversa në rrjetin e tensionit të mesëm dhe të ulët.
“Nga informacionet në terren konstatohet se në rajonin Korçë ka këputje në përcjellësa, janë rrëzuar shtylla dhe janë dëmtuar traversa në rrjetin e tensionit të mesëm dhe të ulët në zonën e Lozhanit, Vithkuq, Potgozhan dhe Cërvenakë”, thuhet në njoftim.
Si pasojë e bllokimit të rrugëve nga bora, OSHEE njofton se duhet shumë kohë për riparimin i defekteve në fidera.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.