Moti për ditët në vazhdim – SHMU: Do të vijojmë të jemi ‘të mbërthyer’ nga nxehtësia dhe thatësira afrikane

Shërbimi Meteorologjik Ushtarak njofton se vendi ynë do të vijojë të jetë “i mbërthyer” nga masa ajrore të nxehta dhe të thata me origjinë nga Afrika e Veriut.

Sipas njoftimit për ditën e nesërme (e Enjte) ashtu dhe për ditën e Premte moti do të vijojë të jetë i kthjellët në pjesën më të madhe të territorit përjashtuar vranësirat kalimtare në relievet malore në lindje ndërsa në relievet malore vranësirat do të shoqërohen me reshje shiu të izoluara; ndryshe nga dita e Premte ku këto vranësira parashikohen të shoqërohen edhe me shtrëngata afatshkurtër.

SHMU bën me dije se siç shihet tek materiali bashkëlidhur temperaturat do të vijojnë të mbeten të larta ku në disa zona, ato mund të arrijnë deri në vlera nga 41 deri në 42 gradë celsius ndërsa po të larta do të mbeten gjithashtu temperaturat e natës (minimale) ku në disa zona zhiva e termometrit mund të mos zbresë nga vlerat 25 apo dhe 27 gradë celsius!

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.