“Motori i dytë i Evropës” – Ekonomia e Francës rimëkëmbet në T3, por jo mjaftueshëm sa nivelet e para pandemisë
Ekonomia e Francës u rrit me 18.2 përqind në tremujorin e tretë krahasuar me tre muajt e mëparshëm por kjo ende nuk mjafton për t’u pajtuar me rritjen pozitive, tregojnë shifrat zyrtare.
Sipas agjencisë kombëtare të statistikave, INSEE, Prodhimi i Brendshëm Bruto (PBB) i Francës u tkurr me 4.3 përqind midis korrikut dhe shtatorit krahasuar me të njëjtën periudhë të vitit të kaluar.
Shifrat e fundit vijnë ndërsa vendi hyn në bllokimin e tij të dytë kombëtar të për të ngadalësuar një valë të dytë të pandemisë COVID-19. Karantina do të zgjasë të paktën deri më 1 dhjetor.
Bllokimi i parë në të gjithë vendin në pranverë bëri që e gjithë ekonomia të ndalet dhe çoi PBB-në në tkurrje me 5.9 përqind dhe 13.8 përqind respektivisht në tremujorin e parë dhe të dytë.
Këtë herë, Presidenti Emmanuel Macron tha në fjalimin e tij televiziv se “ne duhet të mbrojmë ekonominë”.
“Ekonomia nuk duhet as të ndalet, as të shembet. Prandaj ju ftoj, në masën e mundësive të secilit person, të merrni pjesë në këtë përpjekje duke punuar dhe duke mbështetur kompanitë”, shtoi ai.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.