MTI thirrje prindërve: Largoni këto lodra nga fëmijët tuaj, janë të rrezikshme (FOTO)

Ministria e Tregtisë dhe Industrisë në Kosovë ka publikuar fotot e lodrave të rrezikshme, duke iu kërkuar prindërve të mos i blejnë më ose nëse i kanë në shtëpitë e tyre ti largojnë menjëherë.

Sipas njoftimit të ministrisë nga monstrat e lodrave të dërguara në një laborator të specializuar në Holandë, kanë rezultuar më përbërje të rrezikshme për shëndetin e fëmijëve.

“Në vazhdën e kontrollit të produkteve që shiten apo tregtohen në tregun e Kosovës, Ministria e Tregtisë dhe Industrisë, muaj me parë ka marr mostra të lodrave dhe ka dërguar për analiza në Holandë. Pas pranimit të rezultateve, inspektorati i tregut ka larguar nga tregu lodrat e rrezikshme dhe ka asgjësuar ato. Gjithashtu kemi bërë takime të vazhdueshme dhe kemi dërguar informacione tek inspektoratet komunale që edhe në fshatrat më të thella të bëhet një inspektim i tillë dhe nëse gjendet lodra të tilla të largohen nga tregu. Mirëpo duke pasur parasysh që këto lodra të lartcekura kanë qenë në përdorim për një kohë të gjatë në përdorim në Republikën e Kosovës dhe mund të gjenden edhe në shtëpitë tona, MTI njofton të gjithë qytetarët se këto lodra që shihen bashkangjitur në foto janë të rrezikshme në bazë të analizave që i kemi bërë në laboratorin SGS në Holandë, kërkojmë nga ju që sa më shpejt t’i largoni nga shtëpitë dhe t’i asgjësoni”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.