Muaji ‘i zjarrtë’ i fluturimeve, Instat: Në Maj, mesatarisht 77 udhëtime me avion në ditë!

Muaji Maj ka shënuar 2.396 fluturime në destinacione të ndryshme të botës. Sipas Instat, krahasuar me Majin e vitit 2018, është ndjerë një rritje me 17.2 % Transporti ajror i pasagjerëve për këtë muaj zë 68.8 % të transportit gjithsej.

Nga ana tjetër, transporti detar për Majin e 2019-ës, është 3.2 % më i lartë se në Majin e vitit paraardhës. Sipas shifrave të Instat, numri i pasagjerëve që kanë udhëtuar me linja detare në këtë muaj ka qenë 108.629

Për sa i përket pesëmujorit të parë të vitit, si fluturimet, ashtu dhe lëvizjet në rrugë detare kanë ndjerë rritje krahasuar me të njëjtën periudhë të vitit 2018.

Instat tregon se në periudhën Janar – Maj 2019, numri i pasagjerëve që kanë përdorur linjën detare është 335.927 Krahasuar me të njëjtën periudhë të vitit paraardhës, ky tregues është 7.5 % më i lartë.

Nga ana tjetër, pesëmujori i parë i 2019-ës ka ndjerë një rritje me 10.9 % të pasagjerëve që “fluturues”, krahasuar me Janar – Maj 2018. Sipas Instat, numri i pasagjerëve për këtë periudhë është 1.100.491

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.