Mungesë diversiteti tek videolojrat – Industria prej 150 miliardë USD ka një hendek në përfshirjen sociale

Industria e videolojërave mund të jetë në fuqizim prej koronavirusit, por vazhdon të përballet me presione mbi trajtimin e diversitetit dhe përfshirjes sociale.  Prej vitesh, lojërat janë kritikuar për krijimin e një kulture që përjashton femrat . Stereotipat e lidhura me të ashtuquajturat “lojtare femra”, kanë nxitur ngacmime të tyre në rrjet dhe në perceptimin se industria prej  150 miliardë dollar është e mbizotëruar nga meshkujt.    Industria është përpjekur ta ndryshojë këtë, duke vënë në dukje personat e shumtë dhe të ndryshëm që luajnë videolojëra si dhe duke theksuar iniciativat për të angazhuar femrat, minoritetet etnike dhe grupe të tjera të nënpërfaqësuara.

Shoqata e Software-ëve Zbavitës (ESA) bën të ditur se lojtarët amerikanë janë të ndarë në mënyrë thuajse të barabartë, në 54% meshkuj dhe 46% femra.  Megjithatë,  të dhënat demografike të punësimit të industrisë, shfaqin një panoramë tjetër.    Organizata jo-fitimprurëse “Unë Kërkoj Lojëra Gjithëpërfshirëse” bën të ditur se industria është e mbizotëruara nga të bardhët dhe meshkujt.  Sipas Shoqatës Ndërkombëtare të Zhvilluesve të Lojërave, 71% e prodhuesve të lojërave janë burra dhe vetëm 24% janë gra.  Në aspektin e ndryshimit racor, vetëm 2% e zhvilluesve të lojërave janë me ngjyrë dhe 69% të bardhë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.