Mungesë e kushteve higjieno-sanitare dhe ushqime të pasigurta – AKU vendos 6 masa administrative dhe bllokon 13 kg mish

Trupat inspektuese të AKU-së kanë kryer rreth 600 inspektime në garantim të sigurisë ushqimore dhe monitorime si pjesë e Task-Forcës Anti-Covid gjatë 24 orëve të fundit.

Sipas njoftimit gjatë inspektimeve janë dhënë 3 masa administrative në subjekte të ndryshme ushqimore ndërsa një sasi prej 13 kg mish viçi është bllokuar si i papërshtatshëm për konsum, pasi është gjendur pa vulë dhe certifikatë veterinare, për rrjedhim është dhënë edhe masë administrative.

AKU njofton gjithashtu se janë dhënë dhe 2 masa administrative të tjera, për mungesë të kushteve higjieno-sanitare dhe bllokim të aktivitetit deri në plotësimin e kritereve ligjore si dhe në inspektime janë dhënë paralajmërime në disa subjekte për mungesë të rinovimit të librezave të ujit, Planit DDD, si dhe higjenizim të sallës pritëse të kafshëve.

Ndërsa referuar Planit të Marrjes së Mostrave, janë marrë 35 mostra kryesisht në monitorim të fruta-perimeve për mbetje pesticidesh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.