Mungesë kushtesh higjieno sanitare – AKU asgjëson 3.5 ton produkte ushqimore dhe kryen mbi 400 kontrolle gjatë 24 orëve të fundit
Trupat inspektuese të AKU-së kanë vijuar edhe gjatë 24 orëve të fundit mbi 400 inspektime dhe monitorime edhe si pjesë e Task-Forcës Anti-Covid duke vazhduar me kontrolle në çdo biznes, në zbatimin me përpikëri të protokolleve të sigurisë.
Sipas AKU gjatë inspektimeve është dhënë një masë administrative për mungesë të kushteve higjieno-sanitare dhe mungesë tè gjurmueshmërisë të produkteve ushqimore dhe me kërkesë të vetë subjektit është asgjësuar një sasi prej 3.5 ton produkte ushqimore.
Po sipas këtij njoftimit referuar Planit të Marrjes së Mostrave janë marrë 16 mostra në monitorim të qumështit.
Autoriteti Kombëtar i Ushqimit vazhdon pandërprerë punën në terren në garantim të sigurisë ushqimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.