Musk “drejton” përsëri Bitcoin / Thotë se Telsa do e pranojë kur të përdorë energji të pastër
Kreu ekzekutiv i Tesla, Elon Musk, shkroi në Twitter se prodhuesi i makinave elektrike do të rinisë të pranojë bitcoin për transaksionet, kur “minatorët” e kriptovalutës të përdorin energji të rinovueshme. “Kur të konfirmohet një normë e arsyeshme prej 50% e përdorimit të energjisë së pastër tek minatorët, me një tendencë pozitive për të ardhmen, Tesla do rinis transaksionet në Bitcoin”- shkroi Musk në t3itter. Bitcoin u rrit me 5.1% menjëherë pas shkrimit të tij dhe ndodhej në rritje me mbi 10% ditën e hënë, në mbi 39,000 dollarë. Musk tha gjithashtu se Tesla ka shitur rreth 10% të zotërimeve për të konfirmuar se bitcoin mund të likuidohet lehtësisht pa ndikuar tek tregu. Ai lajmëroi në muajin Maj se Tesla nuk do pranojë më bitcoin për blerjet e makinave, duke përmendur shqetësime mjedisore dhe përmbysur pozicionin e kompanisë tek kriptovalutat. Miliarderi tha se beson që kriptovaluta ka një të ardhme premtuese, por nuk mund të vijë me kosto të larta tek mjedisi. Në Shkurt Tesla bëri të ditur se ka blerë 1.5 miliardë dollarë bitcoin dhe se do e pranojë si mjet pagesash për makinat.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.