Mutacioni i Delta, jo shkak për panik – Përbën 10% të rasteve në Britani. Megjithatë, rrit rëndësinë e vaksinimit
Një nënvariant i Delta i Covid-19 i zbuluar së fundmi, përbën tashmë 10% të rasteve të reja në Britani, por shkencëtarët kanë thënë se nuk ka arsye për panik. Nën varianti, i njohur si AY.4.2, Thuhej se mund të jetë rreth 10% më i transmetueshëm se origjinali Delta, por nuk ka ende të dhëna të mjaftueshme për ta vërtetuar këtë. Ky mutacion, që mendohet se është shfaqur në Mbretërinë e Bashkuar gjatë Verës, ka 2 ndryshime që ndikojnë proteinën gjemb, që virusi e përdor për t’u futur tek qelizat njerëzore.
Në 28 ditët e fundit, AY.4.2 ka zënë 10% të rasteve të reja me Covid-19 në Britani, sipas të dhënave nga konsorciumi i shëndetit publik , Cog-UK. Kjo e bën atë variantin e tretë më të përhapur në Britani, pas variantit origjinal Delta dhe një tjetë prej nënlinjave të tij. Pavarësisht përhapjes, autoritetet e shëndetëisë kanë thënë se deri më tani, nuk duket se shfaq sëmundje më të ashpër apo të penetrojë ndaj vaksinave. Christina Pagel, shefe e Njësisë së Hulumtimeve tek Kolegji Universitar i Londrës, tha se nënvarianti, ka një avantazh prej 12-18% ndaj Delta, ndërkohë që Delta ishte 60% më i transmetueshëm se ai Alpha, prandaj dhe nuk është shkak për alarm.
Megjithatë, ajo shtoi se shfaqja e një mutacioni të ri ngre disa shqetësime, pasi nëse mbërrin në vende që janë shumë mbrapa Britanisë me vaksinimet, mund të shkaktojë probleme. Kjo vërteton gjithashtu se koronavirusi po vazhdon të pësojë mutacione dhe ngre rëndësinë e vaksinimit të shpejtë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.