Nacionalistët bashkojnë fuqitë – Lajmërojnë krijimin e një grupi të ri pas zgjedhjeve të BE në Maj
Partitë nacionaliste, kundër emigrimit, planifikojnë të bashkojnë fuqitë muajin e ardhshëm në zgjedhjet parlamentare në Europë, në përpjekje që të krijojnë një bllok të ri për të reformuar Bashkimin Europian.
Lëvizja tregon rritjen e besimit te partitë e djathta, që për të parën herë që kur u krijua Bashkimi Europian, mund të sigurojnë vende mjaftueshëm në parlament për të pasur ndikim të madh në mënyrën se si drejtohet kontinenti. Kjo lëvizje u lajmërua në një event të organizuar nga zv/Kryeministri italian, Matteo Salvini, i cili është përpjekur që të bindë politikanët si ai që të bashkohen përpara zgjedhjeve më 26 Maj. Joerg Meuthen, kryetari i partisë euroskeptike Alternativa për Gjermaninë, tha se blloku i ri do të quhet Aleanca Europiane për Njerëzit dhe Kombet dhe do të përfshijë të paktën 10 parti nga 3 grupet nacionaliste.
“Na duam të reformojnë Bashkimin Europian dhe Parlamentin, pa i shkatërruar. Ne kërkojmë ndryshime radikale. Ne jemi përfaqësues të partive politike që kërkojnë të caktojnë një grup të ri europian, pas zgjedhjeve në Maj. Ky do të quhet Aleanca Europiane për Njerëzit dhe Kombet.” –kryetari i AfD
Megjithatë, nuk është ende e ditur nëse 2 prej fuqive më të mëdha nacionaliste në Europë, partia Ligj dhe Drejtësi e Polonisë dhe Fidesz e Hungarisë, janë të gatshme për t’u bashkuar. Salvini tha se grupi kërkon të përdorë lëvizje alternative krahasuar me ato që kanë qeverisur europën në të shkuarën.
“Ne po zgjerojmë komunitetin e familjen tonë dhe po punojnë për një ëndërr europiane. Ne po përpiqemi që të trajtojmë punën, familjen, sigurinë, mbrojtjen e mjedisit dhe të ardhmen e të rinjve. Ne po e bëjmë këtë nëpërmjet lëvizjeve alternative nga ato që kanë qeverisur Europën prej dekadash.” – Salvini.
Ndërkohë që partitë pro-sovranitetit kanë objektivin e përbashkët të rikthimit të fuqive ndaj vendeve anëtare si dhe ndalimin e emigrantëve, ato kanë zakonisht politika të ndryshme ekonomike dhe sociale, duke e bërë të vështirë krijimin e një grupi në parlamentin europian.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.